Gaman er að greina frá því að The Use of Predictive Models in Dynamic Treatment Planning var valin besta vísindagreinin á ICTS4eHealth í Griklandi. Hægt er að nálgast greinina hér og fjallar hún um Völvuna sem hefur verið notuð í Janusi endurhæfingu. 

Völvan er spálíkan sem byggist á gervigreind, eitt fyrsta sinnar tegundar sem notað er í endurhæfingu sem stuðningstæki fyrir starfsmenn. Áhrifaþáttum, sem gætu hugsanlega haft áhrif á árangur, brottfall og líklega endurhæfingarlengd er varpað upp hjá hverjum og einum einstaklingi. Tíu helstu þættirnir eru dregnir fram af 160 ólíkum breytum og samspil þeirra sem eru ólík milli einstaklinga. Starfsmenn geta allt frá upphafi endurhæfingar skoðað spá einstaklingsins og fylgst síðan reglulega með henni þar sem spáin uppfærist reglulega. Þetta getur verið sérstaklega áhugavert þegar breytingar eiga sér stað ásamt því þegar mælitæki hafa verið tekin. Völvan er hlutlaus, enda byggist hún eingöngu á þeim gögnum sem fyrir liggja og gerir starfsmönnum kleift að bregðast við fyrr en ella, þar sem erfitt og oft ómögulegt er að koma auga á áhrifaþætti og hvar/hvenær er mest þörf á að grípa inn í.

Búið er að sannreyna Völvuna og fjallar ofangreind vísindagrein um þær niðurstöður. Völvan sýndi framúrskarandi árangur, þar sem spáin náði allt að 100% nákvæmni. Þetta er í fyrsta skipti sem Genetic Improvement er notað í spálíkan í lifandi kerfi, til þess að bæta nákvæmi líkansins.